Абай туралы бірнеше деректі фильм мен телесериал түсіріледі, деп хабарлайды Алтайньюс тілшісі.

Бұл туралы ҚР Мәдениет және спорт министрі Ақтоты Райымқұлова мәлімдеді. Оның айтуынша, Абай жылында 500-ден астам іс-шара ұйымдастырылады. Басты жиынның бірі – тамыз айында Семей қаласында өтетін ғылыми-практикалық конференция. Сондай-ақ қазан айында Нұр-Сұлтан қаласында ауқымды халықаралық конференция өтпек.

– Ұлы ақынның өлеңдері мен қара сөздері он бірдей шет тіліне аударылады. Әлбетте аударма ісінің сапалы орындалуына басымдық береміз. Сонымен қатар Абай туралы бірнеше деректі фильм және телесериал түсіру жоспарланып отыр, – деді Мәдениет министрі.

Бұған дейін хабарлағанымыздай, елордада Абайдың 175 жылдық мерейтойының ресми ашылуына арналған салтанатты шара өтіп жатыр.