Абай даңғылы мен Михаэлис көшесінің қиылысында жүру дәл қазір  өте қауіпті. Өйткені жолдың қақ ортасындағы кәріз құдығының аузы қираудың аз-ақ алдында тұр, деп хабарлайды Алтайньюс тілшісі.

Олқылықты бірден байқаған қала тұрғындары кәріз құдығын суретке түсіріп әлеуметтік желіде жариялапты. Алайда жазбаға өскемендіктер құдықтың қирап жатқанына бір күн, бір апта емес, бір ай болды деп отыр.

- Бұл құдықтың осылай тұрғанына бір айдай уақыт болып қалды, - дейді тұрғын Илья Мокин.

 - Бір көлік қирамайынша, бұл құдық та жөнделмейді, - дейді тұрғын Ғалия Шәріпова.