Телефоныңызға Электронды цифрлы қолтаңбаңыздың әрекет ету мерзімі аяқталатыны туралы ескерту SMS келген болса, онда сізге келесі ақпарат өте пайдалы болмақ.

SMS-хабарлама келген бойда Ұлттық куәландыру орталығының pki.gov.kz порталындағы жеке кабинетке кіріп, жарамдылық мерзімін тексеру керек. Жеке кабинетке интернет-ресурстың басты бетінен немесе SMS-те көрсетілген сілтеме бойынша ауысуға болады.

Ары қарай төмендегі алгоритм бойынша әрекет ету қажет:

✅ Қолданыстағы ЭЦҚ-ңызға қатысты барлық деректерді толтырыңыз;

✅ «Кілттер тізімін жаңарту» батырмасын басыңыз. ЭЦҚ құпиясөзін (паролін) дұрыс енгізген кезде аутентификация кілті бейнеленеді. Қол қойып, әрі қарай жұмысқа кірісеміз;

✅ ЭЦҚ кілттерімен жұмыс жасау үшін «Менің ЭЦҚ кілттерім» бөліміне көшеміз. Ашылған мәзірден «ЭЦҚ кілттерін қайта шығару» тармағын таңдаймыз.

❗ Электрондық қолтаңбаның қолданылу мерзімі әлі аяқталмаған жағдайда өтінімді онлайн беруге болады.

✅ Бұдан әрі негізгі жолдарды толтырыңыз, «Өтінім беру» батырмасын басыңыз, растаңыз және оған қол қойыңыз;

✅ Егер ЭЦҚ-ны сақтау үшін сіз компьютерді таңдасаңыз, өзіңіздің ЭЦҚ кілттеріңізге құпиясөз (пароль) ойлап табыңыз және енгізіңіз, одан кейін «Сертификаттарды жүктеу» батырмасын басыңыз.

❗ Құпия сөзде төменгі және жоғарғы регистрдегі латын әріптері, сондай-ақ сандар болуы тиіс. Құпиясөздің ұзындығы кем дегенде 6 таңбалы болуы керек.

✅ «Сертификаттарды жүктеу» батырмасын басқан соң тіркеу куәліктерін сәтті орнатқаныңыз туралы хабарлайтын терезе пайда болады.

ЭЦҚ қолдану мерзімін ұзарту да, оны жаңадан рәсімдеу де тегін қызмет екенін естеріңізге саламыз.