Өскемендік полицейлер қоғамдық көлік жүргізушілерінің тәртібін қадағалайды, деп хабарлайды Алтайньюс тілшісі.

Полиция қызметкерлері 15-17 қаңтар аралығында «Автобус» жедел алдын алу шарасын өткізбек.

– Тәртіп сақшылары жол ережелерінің қатаң сақталуын бақылап, қоғамдық көліктердің техникалық ақуалы мен тиісті құжаттарын тексереді, – деп мәлімдеді Полиция басқармасының баспасөз қызметі.

Полицияның деректеріне сәйкес, жыл басталысымен қаладағы қоғамдық көліктер 7 мәрте жол-көлік оқиғасына тап болған. Соның салдарынан бір адам қаза туып, екі адам зардап шекті.