Бүгін Өскеменде жүріп келе жатқан автобус жанып кетті, деп хабарлайды Altaynews тілшісі. Бұл туралы қалалық Төтенше жағдайлар қызметі мәлімдеді.

Оқиға бүгін таңертең, нақтыласақ сағат 08:40 шамасында болған. Буров көшесінің бойындағы «Поликлиника» аялдамасында «Кинг Лонг» маркалы №13 автобустың қозғалтқышы жанып кеткен. Өрттің жалпы ауданы 1,5 шаршы метр. Зардап шеккендер жоқ. Мамандар, өрттің шығуына қауіптілігі жоғары агрегатты абайсыз қолданған деп болжам жасады.