Риддердің орталық алаңына мерекелік шырша екі рет қойылды, деп хабарлайды Altaynews тілшісі.

Осыдан бір апта бұрын алаңға тірі шырша қойылып, қала тұрғындары оған наразылық танытқан болатын. Ол шыршаның ұсқыны да келіспей тұрған еді. Адамдардың тарапынан жылда ақша шығарғанша, жасанды шырша қойса да болады деген пікірлер айтылды.

Ол шыршаны орнатумен басқа компания айналысқаны белгілі болды. Шыршаны Поперечный ауылынан жеткізу кезінде бұталарының көп бөлігі сынып қалыпты.

Жауапты компанияға ұсқынсыз ағаштың орнына жаңа шырша әкеліп, ауыстыруға тура келді.