Өскемендегі экология департаментінің қызметкерлері пластик бөтелкеден шырша жасап, ғимараттың алдына орнатты, деп хабарлайды Алтайньюс тілшісі.

– Бөтелкелерді жинап, өңдеу арқылы эко-шырша жасадық. Адамдар бір сәт кез-келген қалдықтың бір кәдеге жарайтынын ойласа, – дейді ШҚО экология департаментінің баспасөз хатшысы Елена Полянцева.

«ЭкоВосток-Лидер» компаниясының директоры Динара Әкімжанова жаңа жылдан кейін ерекше шыршаны Павлодар қаласына жеткізіп, қайта өңдеуден өткізетінін айтты.

Айта кетейік, бұл эко-шыршаны жасауға 400-ден астам бөтелке жұмсалды.