ШҚО Қазақстан халқы ассамблеясы хатшылығының жетекшісі болып Алтай ауданы әкімінің бұрынғы орынбасары тағайындалды. Бұл туралы кеңейтілген аппарат кеңесінде облыс әкімі Даниал Ахметов мәлімдеді.

Ассамблея хатшылығының жаңа жетекшісі – Жанна Асқарова.

Ол – 1971 жылы 20 қазанда Қарағанды қаласында дүниеге келген. 1995 жылы С.Аманжолов атындағы мемлекеттік университетінің «Химия» мамандығын тәмамдаған. 2001 жылы Шығыс Қазақстан гуманитарлық колледжінің қазақ тілі мен әдебиеті пәні мұғалімі мамандығы бойынша аяқтаған. Әр жылдары химия, қазақ тілі пәндерінен мектептерде сабақ берген. Мектеп директорының тәрбие ісі жөніндегі орынбасары (2004 жыл), Зырян ауданы ішкі саясат бөлімі басшысы (2009 жыл) болған. 2017 жылдан бері Алтай ауданы әкімінің орынбасары болған.