Бүгін Өскемендегі «Дорожник» атты «дачалар» серіктестігінде үй өртеніп, адам қаза болды.

Қаладағы төтенше жағдайлар басқармасының ақпаратынша, оқиға таңғы сағат 10-да Насосная көшесіндегі бір үйде болған. Өрт сөндірушілерді сол маңдағы тұрғындар шақырған.

«Үйдің шатыры, ағаштан жабылған төбесі, балконы, есік-терезелері жанып кеткен. Жалпы аумағы 94 шаршы метр жер, сондай-ақ көрші үйдің 6 шаршы метр жері сөндірілді. Қазір өрттің шығу себебі анықталуда», – делінген басқарма ақпаратында.

Өрт сөндіру барысында үйден 58 жастағы ер адамның денесі табылған.

Төтенше жағдай қызметкерлері биыл тұрғындардың қауіпсіздік сақтамауы салдарынан көптеген өрт оқиғалары тіркелгенін айтады.