Облыс әкімі Даниал Ахметовті алдаған мектеп директоры жұмысынан босатылды, деп хабарлайды Аltaynews тілшісі.

Өткен аптада облыс әкімі Даниал Ахметов Согра шағын ауданындағы №23 мектепке жұмыс сапарымен барды. Бала санының артуына байланысты мектеп жанынан салынып жатқан қосымша ғимараттың құрылысымен танысты. Мектеп директоры ғимараттың құрылысы аяқталып, қазіргі уақытта сабақ жүргізіліп жатқанын айтқан.

«Алайда, кейінірек ата-аналар арызданып, жаңа корпустың құрылысы әлі аяқталмағандығын айтты.
⠀
Тапсырмам бойынша тексеру жүргізілді. Өкінішке қарай, жаңа корпуста ешкім оқымайтындығы анықталды. Ал ғимарат расымен-ақ әлі қолданысқа берілмеген.
⠀
Нысанның мерзімінде өткізілмеуі және біле тұра жалған ақпарат беруі себепті аталмыш мектеп директоры қызметінен босатылды. Ал облыстық білім басқармасының басшысына сөгіс жарияланды», – деп жазды бұл жәйтқа байланысты Даниал Ахметов өзінің әлеуметтік желідегі парақшасында.