ШҚО-да 110 пәтер әлеуметтік аз қамтылған топ өкілдеріне берілмек, деп хабарлайды Алтайньюс тілшісі. Бұл туралы облыс әкімі Даниал Ахметов өзінің Instagram-дағы парақшасында мәлімдеді.

Естеріңізге салсақ, кеше ғана Шығыста жиырма отбасы қоныстойын тойлаған болатын. Жаңа пәтер иелерін құттықтаған аймақ басшысы, жақын арада көппәтерлі төрт тұрғын-үйдің құрылысы аяқталатынын жазған.

- Айта кетейін, алдағы таңда төрт үйдің құрылысы аяқталады. Бұл 600 пәтер. Олардың екеуі яғни 110 пәтері әлеуметтік аз қамтылған топ өкілдеріне берілмек, - дейді ол өз жазбасында.