Өскеменге жаңадан алынатын автобустарға 105 адам сияды, деп хабарлайды yk.kz тілшісі.

Жаңадан алынатын 85 Daewoo BS120CN автобустары Семейдегі «СемАЗ» компаниясынан шығарылған. Жалпы бағасы 4 миллиард 675 миллион теңге. Автобустар 7 жылға 7% лизингпен алынады. Қажетті қаражат Қазақстан даму банкінен ақпан айында алынады деп жоспарланған.

Бұл жоғары класты автобустарда отыратын орын саны – 29, десе де оған 105 адам сыяды. Орталық бөлігінің едені тегіс болғандықтан, арба қоюға ыңғайлы.

Айта кетейік, бұл автбустар жаңадан құрылған New bus атты кәсіпорынға берілуі мүмкін. Болашақта жолаушылар тасымалы бойынша тендерге осы кәсіпорын қатысады.