Елімізде дәрі-дәрмектің бағасы 8%-ға қымбаттады, деп хабарлайды Алтайньюс тілшісі.

Бұл туралы Energyprom.kz мониторинг агенттігінің сарапшылары мәлімдеп отыр.

Агенттіктің жүргізген зерттеуі бойынша, халық дәрі-дәрмектің 80%-ға жуық түрін өз қаражатына сатып алады екен.

Ал олардың бағасы біртіндеп қымбаттап келеді. Бір жыл ішінде жалпы дәрі-дәрмектің бағасы 8,2%-ға өскен. Оның ішінде, дәрумендер - 11,4%-ға, анальгетиктер - 10,6%-ға, корвалол мен антибиотиктер - 9,3%-ға қымбаттапты.