Облыстағы медициналық мекемелерде дәрі-дәрмек қоры жеткілікті, деп хабарлайды Altaynews тілшісі.

Бұл туралы аймақ басшысы Даниал Ахметов брифинг барысында мәлімдеді.

– Емдеу мекемелерінде дәрі-дәрмектің жеткілікті қоры бар. Оның ішінде 155 мың ыстық түсіретін, 35 мың вирусқа қарсы дәрілер болса, 314 мың антибиотик. Стационарлар науқастарға лық толған жағдайда да, дәрі-дәрмек қоры бір айға жетеді, - деді облыс әкімі.

Сондай-ақ, дәріханаларда сатылымда 79,3 мың ыстық түсіретін, 2,6 мың вирусқа қарсы препараттар, 15,6 мың антибиотик бар екен.