Шығыс Қазақстан облыстық драма театры Жастар труппасының шығармашылық ұжымы озінің V театрлық маусымын Михаил Задорновтың «Последняя попытка» пьесасы негізінде «VABANK/Соңғы әрекет» премьералық комедиялық қойылымымен бастайды, деп хабарлайды Алтайньюс.

Теңізге демалуға келген отбасылы жігіт ағасы, жас қызбен танысып араларында махаббат сезімі оянады. Махаббаттан басы айналған 20 жастағы бойжеткен, оның әйеліне келіп, опасыз күйеуін 20 мың долларға сатуға ұсыныс жасайды. Алданған әйел осындай шарасыз жағдайда не істейді? Бірнеше жыл отасқан күйеуін әлі де сүйеді. Бірақ, оны мойындауға бойдағы намыс жібермейді. Автор Михаил Задорновтың комедиясындағы кейіпкер тығырықтан шығудың, осы сыннан сүрінбей өтудің жолын қалай табады. Осы оқиғада «Өтіріктің арты бір-ақ тұтам» деген мақал ойға еріксіз оралады. Махаббатты, сүйген жарды саудаға салуға бола ма?

Қоюшы-режиссер: Р. Степенский
Қоюшы суретші: А. Самарханов
Актерлер: Жантай Турусбеков, Аяулым Тұрұсбекова, Айгүл Хамит

Өтетін күні: 19 қазан 2019 ж.
Уақыты: 17.00 сағат
Өтетін орны: Шығыс Қазақстан облыстық драма театры, Қ. Сәтпаев даңғылы 55