Өскеменде өткен түні үй ауласында тұрған екі автокөлік қатар жанып кетті, деп хабарлайды Алтайньюс тілшісі.

Оқиға түнгі сағат екі шамасында болған. Қазақстан көшесіндегі көпқабатты тұрғын үйлердің бірінің ауласында тұрған «Chevrolet» маркалы автокөлік өртенген. «Шевроле»-ден шыққан өрт қатар тұрған «Hyundai Tucson» маркалы көлікке тиген. Осылайша бір түнде екі автомобиль жанып кетті.

Әзірге өрттің шығу себебі нақты анықталмады. Дегенмен екі нұсқа қарастырылуда: бірі – қауіптілігі жоғары агрегатты абайсыз қолдану, екіншісі – қасқана от қою.