Өскеменде жол апатынан көлік жүргізушісі қаза тапты
![](/kz/engine/skins/images/noimage.jpg)
Өскеменде жол апатынан көлік жүргізушісі қаза тапты, деп хабарлайды Алтайньюс тілшісі.
ШҚО полиция департаменті баспасөз қызметінің ақпараты бойынша, қайғылы оқиға 20 шілде күні сағат 17:30 шамасында Глубокое ауданы Солнечный кентінің жолында болған. Қала сыртындағы трассамен зымырап бара жатқан «Mazda» маркалы автокөліктің жүргізушісі тізгінге ие бола алмай қалған көрінеді. Нәтижесінде жол жиегіндегі ағашқа барып соғылған.
– 52 жастағы жүргізуші оқиға орнында көз жұмды. Көліктегі тағы екі жолаушы аздаған жарақат алған. Қазіргі уақытта 345-баптың 3-тармағы бойынша сотқа дейінгі тергеу жүргізілуде, – деп мәлімдеді Полиция департаментінің баспасөз қызметі.