Семейдегі белгілі кәсіпорынның директоры тәртіп сақшыларына екі "КамАЗ-дың" темірбетон тасымалдайтын тіркемелері жоғалып кеткенін айтып шағымданған. Шығын – 1 миллион 500 мың теңге, деп хабарлайды Алтайньюс тілшісі.

Жедел іздестіру шарасының нәтижесінде, ұрының алыста емес, іргеде жүргені анықталды. Ол өзінің қызметкері болып шықты.

«43 жастағы күдіктінің үстінен ҚР ҚК-ның «Ұрлық» бабы бойынша іс қозғалды. 2-7 жыл бас бостандығы шектелуі мүмкін», – деді тәртіп сақшылары.

Жүк арбалары қазір иесіне қайтарылды.