Бұқаралық ақпарат құралдары қызметкерлерінің мерекесі Үкімет қаулысымен бекітілді, деп хабарлайды Алтайньюс тілшісі.

"Үкіметтің 2017 жылдың 31 қазанындағы қаулысына келесі өзгертулер мен толықтырулар енгізілуі тиіс. 17 мамыр – ақпарат және байланыс қызметкерлерінің күні, 28 маусым – бұқаралық ақпарат құралдары қызметкерлерінің мерекесі", - деп жазылған қаулыда.

Бұл қаулы ресми түрде жарияланған сәттен бастап күшіне енеді.

Естеріңізде болса, бұдан бұрын Президент Қасым-Жомарт Тоқаевтың Үкіметке арнайы тапсырма бергенін жазған едік.