1 маусымда Өскеменде балаларға арналған көптеген с-шаралар өткізу жоспарланып отыр, деп хабарлайды Алтайньюс тілшісі.

Қалада бірден үш жерде KIDS ZONE мейрамы өтеді – Металлургтер мәдениет үйінің ауданындағы алаңда, "Теміржолшылар" паркінде және Стрелка ықшам ауданында Даңқ Мемориалының жанындағы алаңда. Мұнда аниматорлар, түрлі қызықты бағдарламалар, ойындар мен конкурстар, мини-DISCO, ұтыс ойындары, мега-бояулар, түрлі ертегі және мультфильм кейіпкерлерімен фотосуретке түсу секілді іс-шаралар ұйымдастырылады. Қатысу – тегін. Басталуы сағат 18.00-ден 20.00-ге дейін.

Сол жақ жағалау кешенінде бұл күні "7 Керемет" мерекесі өтеді. Жеті алаңда ойындар, спорттық эстафеталар, шеберлік сыныптары және ата-аналар мен балалар үшін квест ұйымдастырылады. Сондай-ақ, мұнда балалардың көңілін көтеретін аниматорлар мен сиқыршы болады. Басталуы сағат 14.00-де.

"Император" сауда үйі де бүлдіршіндерге арналған шаралар өткізбек екен. Мұнда «Мамандықтар әлемі» атты іс-шара ұйымдастырылып, әр түрлі мамандықтардың өкілдері қатысады. Одан бөлек, балалар шығармашылық ұжымдарының концерті, қызықты квест, ғылыми шоу, аспаздардың шеберлік сыныбы, конкурстар, аквагрим және т.б. өтеді. Басталуы сағат 12.00-де.

Маусымның 1-2 күндері Ертіс жағалауында боялар фестивалі болады. Амфитеатрдың жанында концерт, конкурстар мен ойындар ұйымдастырылады. Фестивальге кіру тегін. Өтетін уақыты: 13.00-ден 21.00-ге дейін.