2018 жылы Америка Құрама Штаттары мен Қазақстан арасындағы тауар айналымы 37 пайызға өсіп, 2,24 миллиард АҚШ долларын құрады. Бұл жөнінде АҚШ-тың Қазақстандағы төтенше және өкілетті елшісі Уильям Мозер Парламент сенатының спикері Дариға Назарбаевамен кездесуі барысында мәлім етті.

Кездесу барысында екіжақты ынтымақтастық мәселелері талқыланды. Әсіресе сауда-экономикалық әріптестік жайы сөз болды.

– Өткен жылы екі ел арасындағы тауар айналымы 37 пайызға өсіп, 2,24 миллиард долларды құрады. Бұл ретте Қазақстанның АҚШ-қа экспорты 2,5 есеге өскенін атап өткен абзал. Бұл тамаша көрсеткіш, – деді Уильям Мозер.
АҚШ елшісі, сондай-ақ америкалық компаниялар ЕАЭО мен Қытай нарығына ет өнімдерін экспорттау жөніндегі бірлескен жобаларды жүзеге асыруға ниетті екенін айтты.