Синоптиктердің болжамы бойынша, Қазақстанның көп бөлігіне оңтүстік циклон әсер етуде, деп хабарлайды Алтайньюс «Қазгидрометке» сілтеме жасап.

Осыған байланысты батыс, солтүстік-батыс, солтүстік, шығыс аймақтарда күн күркіреп, жауын-шашын болуы мүмкін. Сондай-ақ, кей жерлерде желдің екпіні күшейе түспек. Оңтүстікте шаңды дауыл болса, шығыста нөсерлі дауыл соғып, бұршақ жауады, ал оңтүстік-батыста тұман түседі деп болжануда.

ШҚО-да желдің екпіні 12-20 м/с дейін күшейеді, күндіз күр күркіреп, дауыл соғады және бұршақ жаууы ықтимал.