Риддер қаласында Отан қорғаушылар күні мен Ұлы Жеңістің 74 жылдығына орай ән және сапта жүру байқауы өтті. Бұл күні кеуделеріне көк лента таққан жас сарбаздар сап түзеп, алаңға жиналды.

Байқауға жоғары сынып оқушылары мен колледж студенттері қатысты. Олардың сапта жүруі мен ән айтуларына әскери мамандар, ішкі саясат бөлімінің қызметкерлері, «Ауған соғысы ардагерлері ұйымының мүшелері қазылық етті.

- Сапта жүру байқауы патриоттық пен ержүректікке тәрбиелейтіні сөзсіз. Болашақ сарбаз дайындауда да маңызы өте зор, - деді Риддер қалалық қорғаныс істер бөлімінің басшысы Ермек Бахтияров.

Байқаудың әтижесінде бас жүлдені Риддердің аграрлық-техникалық колледжінің оқушылар еншіледі. Ал бірінші орын №1 мектеп-лицейіне бұйырса, екінші орынды көпсалалы колледжі алды. Ал үшінші орынды №14 орта мектептің оқушылары қанағат тұтты.