Қазақстан құрылысшылар одағы Талғат Ерғалиевті ҚР Президенттігіне үміткер ретінде ұсынды, деп хабарлайды Алтайньюс тілшісі.

– 2019 жылғы 27 сәуірде «Қазақстан Құрылысшылар одағы» республикалық заңды тұлғалар бірлестігі» Қазақстан Республикасының Президенттігіне кандидат ретінде Талғат Файзуллаұлы Ерғалиевтің құжаттарын ұсынды, –  жазды ҚР Орталық сайлау комиссиясының ресми сайты.

Талғат Ерғалиев 1966 жылы Ақмола облысында туған. Агротехникалық университетті бітірген, инженер-механик. Оқытушы болып жұмыс істеген және кәсіпкерлік қызметпен айналысқан. 

1991-1992 жж. – Қазақ мемлекеттік агротехникалық университетінің оқытушысы, инженерлік-педагогикалық факультеті деканының орынбасары. 

1993-1999 жж. – сауда компаниясының директоры. 

1999-2002 жж. – Қарашағанақ кен орнында «АксайИнвестСтрой» компаниясының басшысы. 

2004 жылы «Стройкласс» ҚК ЖШС-ін құрған, жоба-менеджері. 

2010 жылдан бері «Ақ жол» Қазақстан Демократиялық партиясы Орталық кеңесінің өңірлік саясат бойынша хатшысы. 

2012-2016 жылдары бесінші шақырылған Қазақстан Республикасы Парламенті Мәжілісінің депутаты, «Ақ жол» Қазақстан Демократиялық партиясының мүшесі болды. 

2017 жылдан бастап - «Қазақстан Құрылысшылар одағы» республикалық заңды тұлғалар бірлестігінің төрағасы. Үйленген, үш баласы бар.