Қазақстан Президенті Қасым-Жомарт Тоқаев жұмыс сапарымен Шығыс Қазақстан облысына келді, деп хабарлайды Алтайньюс тілшісі. 

Бұл туралы Президенттің баспасөз хатшысы Берік Уәли өзінің Фейсбуктегі жеке парақшасына жазды. 

"Қазақстан Президенті Қасым-Жомарт Тоқаев Шығыс Қазақстан облысына жұмыс сапарын Семей қаласынан бастады.
Сапар аясында Мемлекет басшысы Семей және Өскемен қалаларындағы бірқатар әлеуметтік және өнеркәсіптік нысандарды аралап көруі жоспарланып отыр. Сондай-ақ, Қасым-Жомарт Тоқаев әлеуметтік-мәдени бағдарламалардың жүзеге асырылу барысымен танысып, облыстың жұртшылық өкілдерімен, еңбек ұжымдарымен және жастармен жүздеседі", делінген Берік Уәлидің Фейсбук парақшасында