Риддер қаласында апатты жағдайда тұрған немесе үш аусым бойынша оқытатын мектептер жоқ, деп хабарлайды Алтайньюс тілшісі.

Жалпы аталмыш қалада 16 білім мекемесі жұмыс істейді. Соның ішінде мемлекеттік тілде оқытатын 1 мектеп, аралас тілде оқытатын 3 мектеп, орыс тілінде оқытатын 12 мектеп бар.

– Төрт жыл ішінде мектеп оқушыларының саны 600-ге артты. 2022-2023 оқу жылының басында оқушылар саны 7254 болды. Білім мекемелерінде 576 педагог еңбек етеді. Олардың 55% «педагог-сарапшы» және «педагог-зерттеуші» біліктілігіне ие. 2018-2022 жылдар аралығында мектепті «үздік» аттестатқа бітірген түлектер саны – 46. Қалада апатты жағдайдағы және үш ауысыммен оқытатын мектептер жоқ, – дейді Риддер әкімі Дмитрий Горьковой.

Осы тұса айта кетуіміз керек, қала мектептерінің жүктемесін жеңілдету үшін биыл 6-шы шағын ауданда заманауи бейінді кабинеттері, спорт залы бар 600 орындық жаңа орта мектеп пайдалануға берілді.