Бозанбай ауылындағы дене шынықтыру-сауықтыру кешені жыл соңына қарай пайдалануға берілмек, деп хабарлайды Алтайньюс тілшісі.

ШҚО әкімі Ұлан ауданының Бозанбай ауылына жұмыс сапары барысында бұрынғы аудан орталықтарын қолдау бағдарламасы аясында балаларға да, ересектерге де спортпен шұғылдануға мүмкіндік беретін дене шынықтыру-сауықтыру кешенінің құрылысы жүргізіліп жатқан құрылыс алаңына барып қайтты.

Құрылысшылар қазір аталмыш нысанның соңғы жұмыстарына кірісіп жатыр.

-        Жыл соңына қарай нысан пайдалануға беріледі. Құрылысшылар суды ағызып, аумақты абаттандырады. Әрине, аталған нысан бойынша сұрақтар болды, құрылысшылар кестеден қалып қойды, бірақ қазір нысан аяқталуға жақын. Мен аудан әкіміне осы мәселені бақылауда ұстауды тапсырдым, - дейді облыс әкімі Даниал Ахметов.