ШҚО-ның Бесқарағай ауданында оқушылар демалыс уақытында орман шаруашылығында жұмыс істей алады, деп хабарлайды Алтайньюс тілшісі.

Бұл туралы аудандық Достық үйінде өткен «Мектеп орманшылықтарының қызметін ұйымдастыру» семинарының барысында айтылды.

Семинарға алты орман шаруашылығы мен «Семей орманы» филиалдарының өкілдері, білім бөлімінің мамандары, аудандағы мектептердің оқытушылар құрамы қатысып отыр.

«Исток» орталығының белсенділері мектептерде мектеп орманшылығының экологиялық үйімерлерін ашуды ұсынды. Бұл балалардың табиғатқа деген сүйіспеншілігін арттырып, оқушыларды қоршаған ортаны қорғауға бағыттайды деп күтіледі.

Оның аясында жасы 14-тен асқан оқушылар Еңбек кодексіне сәйкес ата-аналарының рұқсатымен жазғы демалыс уақытында орман шаруашылықтарында жұмыс істейтін болады.