ШҚО-да төрт мектеп MektepMenu қызметіне қосылды.

MektepMenu қызметінің көмегімен ата-аналар мектептегі ас мәзірімен танысып, ас мәзірін реттей алады, деп хабарлайды Altaynews тілшісі.

ҚР Білім және ғылым министрлігі жақында барлық мектептерді мектеп асханаларында ұсынылатын тамақтану туралы толық ақпаратты жариялауға міндеттеген болатын. Сондықтан "Күнделік" ЖШС компаниясының қолдауымен mektepmenu коммерциялық сервисі әзірленді. Аталмыш сервиске бүгінгі күні ШҚО-дан 4 мектеп қосылған. Қалған мектептер 2022/2023 оқу жылының басында кезең-кезеңімен қосылмақ.

Mektepmenu-ға ата-аналар мен оқушылар Kundelik логині мен паролі арқылы кіре алады.