Өскемен қаласының тұрғыны бір миллионнан астам теңгеге жүргізуші куәлігін жасатпақ болып, алаяққа алданды.

38 жастағы әйел адам полицияға шағымданды, деп хабарлайды Altaynews.kz тілшісі.

Жүргізуші куәлігін жасатпақ болған ол танысына 1 240 000 теңге берген.

«Криминалдық полиция қызметкерлері күдіктіні ұстады. Ол Шемонаиха ауданының 54 жастағы тұрғыны», - деп хабарлады ШҚО ПД баспасөз қызметі.

Қазір қылмыстық кодекстің 190-бабы (Алаяқтық) бойынша сотқа дейінгі тергеу жүргізіліп жатыр.