Шығыс Қазақстан облысының қалаларын жылумен жабдықтауға қатысты соңғы оқиғаларға байланысты энергетика саласында жемқорлық тәуекелдеріне талдау жүргізілмек.

ҚР Сыбайлас жемқорлыққа қарсы іс-қимыл агенттігінің ШҚО бойынша департаменті 29 қарашадан бастап Атом және энергетикалық қадағалау және бақылау комитетінің облыстағы департаменті қызметіндегі сыбайлас жемқорлық тәуекелдеріне сыртқы талдау жүргізуді бастады. Бұл жайында антикор өзінің телеграмм-арнасында жариялады, деп хабарлайды Altaynews.kz тілшісі.

Талдау барысында департаменттің мемлекеттік қызметтер көрсету, бақылау-рұқсат беру функцияларын жүзеге асыру (оның ішінде белгіленген қуаты 100 кВт-тан жоғары электр желілеріне қосылуға рұқсат беру мәселелері бойынша, энергияөндіруші және энергияберуші ұйымдардың күзгі-қысқы жағдайларда жұмыс істеуге дайындық паспортын беру және т.б.) кезіндегі сыбайлас жемқорлық тәуекелдерін анықтау маңызды.

Автор: Айна ЕСКЕНҚЫЗЫ