Шығыс Қазақстанның агроөнеркәсіптік саласы да тұрақты түрде қарқынды дамып келеді.

ШҚО-да ірі қара мал саны өсуде, ет және сүт өндіру көлемі ұлғаюда, деп хабарлайды Altaynews.kz тілшісі.

Өңірде негізінен майлы дақылдар өсіріледі, сондықтан оларды қайта өңдеуді масштабтауға қатысты мәселелер көтерілуде. Биыл қуаттылығы жылына 300 000 тонна күнбағыс майын өндіретін ірі май зауыты іске қосылды. Тағы біреуінің құрылысы қазір жүргізіліп жатыр. Екінші зауыт шағындау, болжамды көлемі - 50 000 тонна. Бұл өсімдік майларының экспортын үш есеге арттыруға мүмкіндік береді, жеткізілім сомасы 90 миллион долларға жуықтайды.

Агроөндірістік кешен саласындағы жетекші кәсіпорындар да қуаттылықты арттыруда. «Шығыс-Сүт» ЖШС ірімшік цехын кеңейтті, ал Өскемен құс фабрикасында бройлер өндірісінің көлемі ұлғайды.

Алдағы уақытта Ұлан ауданында құрама жем зауыты, селекциялық-генетикалық алаң және тауар фермалары бар ет өңдеу кешенінің құрылысы басталады. Кәсіпорынның толық қуатына 2025 жылы шығады деп жоспарлануда. Сондай-ақ Қытай мен Оңтүстік-Шығыс Азия елдеріне 150-200 млн долларға 40 мың тонна өнім экспортталады.

Жақын арада облыста қуаттылығы жылына 120 млн жұмыртқаны құрайтын жұмыртқа бағытындағы құс фабрикасы пайда болады.

Аквафермалар саны мен олардың өнімдеріне сұраныстың артуына байланысты өткен жылмен салыстырғанда балық өндірісі үш есеге ұлғайды – 480 тоннадан 1297 тоннаға дейін. Өңірде 2030 жылға қарай балық өндірісін 20 есеге ұлғайтып, жылына 10 000 тонна көлемге қол жеткізбек.