Облыс орталығында оқушыны ит қауып алды.

Оқиға 23 ақпанда бала мектепке бара жатқан жолда болған, деп хабарлайды Altaynews тілшісі.

Қаланың білім бөлімі баланың №18 мектепте оқитынын нақтылады.

– Оқушы мектепке жетіп үлгермеген. Яғни оқиға білім беру мекемесінің аумағында болған жоқ. Баланың қолы көгерген, қысқы куртка құтқарып қалған сияқты. Әлбетте, оқушы қатты қорқып қалды, – дейді білім бөлімінің басшысы Сәуле Алагөзова.

Оқушыға тап берген қаңғыбас ит пе, әлде қожайыны бар ит пе – ол жағы әзірше белгісіз.