Облыстық үстел теннисі федерациясының президенті болып Жақсылық Омар тағайындалды, деп хабарлайды Altaynews тілшісі.

«Шығыс Қазақстан облысының үстел теннисі федерациясы» ҚБ Құрылтай жиналысының шешімімен Омар Жақсылық Мұқашұлы федерация президенті болып сайланды», - деп жазылған хабарламада.

Жақсылық Омар құрылтайшыларды үстел теннисін дамыту бағдарламасымен таныстырды.

– Менің басты міндетім – осы спорт түрін дамыту және аясын кеңейту. Үстел теннисі өңірде халықтық сипатқа ие болуы керек. Сондай-ақ облыс атынан республикалық және халықаралық жарыстарға қатысатын кәсіби командамыз болуға тиіс. Бұл міндет алдағы жылдарда орындалатын болады, – деді федерация президенті Жақсылық Омар.