Президент Қасым-Жомарт Тоқаев 2023 жылдың 1 қаңтарынан бастап бизнес бастайтын жастарға 2,5%-бен несие беруді тапсырған еді. Altaynews тілшісі несиенің шарттары мен мақсатына тоқталды.

Несие шарттары қандай және кім ала алады?

* Несие бағдарламасына тіркелгеніне әлі 5 жыл толмаған жеке кәсібі бар, 35 жасқа толмаған жастар қатыса алады. Үміткердің жасы құжат тапсыру сәтінде ескеріледі.

* Несиенің ең жоғары сомасы – 5 млн теңге (кепіл қою міндетті).

* Сыйақы мөлшерлемесі – жылдық 2,5%-дан аспайды.

* Кредиттеу мерзімі мал шаруашылығына – 7 жыл, өзге кез келген мақсат үшін – 5 жыл.

Несиені қандай мақсатта алуға болады?

• 2,5%-дық микрокредит жастардың кәсіпкерлік бастамаларына жәрдемдесу мақсатында беріледі.
• Сала бойынша шектеу қойылмаған, яғни басым бағыттар бекітілмеген.
• Конкурстық комиссияның шешімімен үздік деп танылған жас кәсіпкерлердің бизнес-жобалары микрокредит ала алады.

Толық ақпарат алу үшін @KAZAGRO_KZ өңірлік филиалдарына немесе 5353 нөмірі арқылы Call-орталыққа хабарласуға болады.