ШҚО-да биыл 400-ден астам лагерь жұмыс істейді
Ашық дереккөздерден алынған сурет
Ағымдағы жылы өңірде 418 жазғы лагерь жұмыс істейді, оның ішінде 195-і – мектеп жанындағы лагерь.
Бұл туралы Өңірлік коммуникациялар қызметі алаңында өткен баспасөз брифингінде ШҚО білім басқармасының мектепке дейінгі жалпы орта білім беру бөлімінің басшысы Бұлбұл Қозыбаева мен ШҚО білім басқармасы басшысының орынбасары Динара Шаухина айтып өтті, деп хабарлайды Altaynews тілшісі.
Балаларды жазғы сауықтыру лагерьлеріне қабылдау 24 сәуірде басталған.
– ШҚО-ның барлық қала сыртындағы лагерьлерінде сумен жабдықтау объектілерін дератизациялау, дезинсекциялау, тазарту, жуу және дезинфекциялау, кенеге қарсы іс-шаралар, лагерьлерді ашу үшін санитариялық-эпидемиологиялық қорытынды мен рұқсат беру құжаттарын алу бойынша жұмыстар жүргізіліп жатыр, – дейді Бұлбұл Қозыбаева.
Айта кету керек, биыл өңірде қала сыртындағы, мектеп жанындағы лагерьлермен қатар тілдік, спорттық, туристік, өлкетану және бизнес-лагерьлер жұмыс істейтін болады.
– Көптілді білім беруді дамыту бағдарламасы аясында мектеп жанындағы лагерьлерде тілдік лагерь жұмыс істейтін болады. Яғни, балалар онда тек ойын ойнап, демалып қана қоймай, ағылшын, қазақ, орыс, неміс, француз тілдерін де үйренеді, – дейді Динара Шаухина.
Оқи отырыңыз
