Шығыс Қазақстан облысында Қазақстан Республикасының Тәуелсіздік күніне орай ұйымдастырылған ескек есу слаломы бойынша жалпы дене дайындығынан облыстық чемпионаттың жеңімпаздары салтанатты түрде марапатталды, деп хабарлайды Altainews.kz тілшісі.

Жарыс 12–14 желтоқсан аралығында Шығыс Қазақстан облыстық су спорт түрлері бойынша олимпиадалық резервтегі мамандандырылған балалар мен жасөспірімдер спорт мектебінде өтті. Чемпионатқа Өскемен және Риддер қалаларынан келген 70 спортшы қатысты.

Жас спортшылардың айтуынша, жеңіске жету жолы оңай болған жоқ.

Аталған чемпионат ескек есу слаломын дамытуға және жастар арасында салауатты өмір салтын насихаттауға бағытталған. Жеңімпаздарды марапаттау рәсімі спортшылардың жоғары кәсіби дайындығын айқындап қана қоймай, Шығыс Қазақстандағы ескек есу слаломының болашағы зор екенін тағы бір мәрте дәлелдеді әрі жас спортшыларға жаңа белестерді бағындыруға серпін берді.

Роксана Глыбова

Фото: Махаббат Ахметжанова

Видео: Евгений Щетников