Еліміздегі мамандандырылған ХҚКО-лардың жұмысында техникалық ақау пайда болды.

Тұрғындар дәл қазір мемлекеттік қызметтерді ала алмай отыр, деп хабарлайды Altaynews тілшісі.

«Азаматтарға арналған үкімет» мемлекеттік корпорациясының баспасөз қызметі Ішкі істер министрлігі Әкімшілік полиция комитеті (ӘПК) тарапында техникалық ақау пайда болғанын мәлімдеді.

«ІІМ ӘПК тарапындағы техникалық ақауларға байланысты еліміздегі барлық мамандандырылған ХҚКО-ларда мемлекеттік қызмет көрсету уақытша тоқтады. Мамандар жұмысқа кірісті, ақау жойылады. Уақытша қолайсыздықтар үшін кешірім сұраймыз», – деді корпорацияның баспасөз қызметінің өкілдері.