Күнбағыс майының экспорты 230 мың тоннаға жетті
Фото: inbusiness.kz
Былтыр күнбағыс майының экспорты 230 мың тоннаға жетті.
Бұл туралы Сенатта өтіп жатқан Үкімет сағатында ауыл шаруашылығы министрі Ербол Қарашөкеев айтты, деп хабарлайды Altaynews тілшісі Қазақпарат сайтына сілтеме жасап.
– Өсімдік майын өндіретін 70 кәсіпорын жұмыс істеп тұр. Жалпы, азық-түлік өнімдері көлеміндегі үлесі 8 пайызды құрап отыр. Елімізде өндірілген өсімдік майымен қамтамасыз ету деңгейі 141 пайыз шамасында, – деді Ербол Қарашөкеев.
Оның айтуынша, күнбағыс экспортына қатысты қабылданған шектеу шаралары есебінен отандық өңдеу кәсіпорындары шикізат қорымен қамтылды.
– Бұл тұрғыда 2022 жылдың қорытындысы бойынша күнбағыс майын өндіру көлемі 62 пайызға, яғни 331,9 мың тоннадан 537,1 мың тоннаға дейін өсті. Ссондай-ақ жыл басынан бері бұл өнім бойынша ішкі нарықтағы баға 8,3 пайызға төмендегені байқалды, – деді министр.
Оның сөзіне қарағанда, күнбағыс майының экспорты 2022 жылы 229,4 мың тоннаны құрады, бұл көрсеткіш 2021 жылға қарағанда 1,7 есеге көп.
Оқи отырыңыз
