«Шығыс» өңірлік қолбасшылыған қарасы 27943 әскери бөлімінде «Ашық есік» күні өтті.

Тарбағатай, Алтай, Катонқарағай аудандарының 100-ге жуық мектеп оқушылары 27943 әскери бөлімінің бір күнімен танысу үшін Өскемен қаласына арнайы келді, деп хабарлайды Altaynews тілшісі.

Бұрындары әскери өмірдің тыныс-тіршілігін тек әскери кинолардан көруге болатын, қазір Қарулы Күштердің беделін арттырып, әскери қызметті насихаттау мақсатында  әскери бөлімдерге жиі экскурсиялар жасалып тұрады. Мұндай экскурсиялардың нәтижелілігін Қарулы Күштер қатарында ерікті түрде, үлкен құлшыныспен келуші жас сарбаздардан байқауға болады.

Экскурсия барысында оқушылар сарбаздардың бір күндік жаттығу жұмыстары, ұрыста ұйымдаса қимылдауы сынды әскери даярлықтарын тамашалады. Әскери бөлім барлық заманауи қару-жарақ үлгілерімен қамтылған. Бұдан басқа әскери техникалары да жеткілікті.