«Шығыс салбұрынына» 600-ге жуық турист келеді
Аяужан Утеулинованың суреті
Қарашаның 23-25 күндері аралығында шығыста бүркітшілердің халықаралық фестивалі өтеді.
Ұлан ауданына қарасты Бозанбай ауылында өтетін құсбегілер тойына бірнеше мемлекеттен бүркітшілер келіп қатысып, салбурынды 600-ге жуық турист тамашаламақ, деп хабарлайды Altaynews.kz тілшісі.
Бозанбай ауылының жанындағы Бәйгетөбеде өтетін құсбегілердің «Шығыс салбұрыны – 2023» фестиваліне Моңғолия, Қытай, Түркия, Қырғызстан, Ресей мемлекеттерінің бүркітшілері қатыспақ.
– Жарыс өтетін жерде қазақи этностильде 15 киіз үй құрылатын болады. Сондай-ақ 600-ге жуық Қазақстаннан және шет елдерден туристтердің келуі жоспарлануда, – деді баспасөз брифингі барысында Ұлан ауданының әкімінің орынбасары Қуат Оқасов.
Бүркітішлер тойының өту барысы туралы бұған дейін де жазған болатынбыз.
