Болат Назарбаев өмірден өтті. Хабарды Алматыдағы Орталық клиникалық ауруханасы растады.

«2023 жылдың 13 қарашасында сағат 09.51-де Болат Назарбаев қайтыс болды», - деп мәлімдеді Президент Іс басқармасы Орталық ауруханасының баспасөз қызметі.

Сондай-ақ ақпаратты Тұңғыш Президенттің баспасөз хатшысы Айдос Үкібай Twitter-дегі парақшасында растады.

«71 жасқа қараған шағында созылмалы ауырудың салдарынан ҚР Тұңғыш Президенті Нұрсұлтан Назарбаевтың туған інісі Болат Әбішұлы Назарбаев дүниеден озды»,- деп жазды ол. 

Мемлекет басшысы Қасым-Жомарт Тоқаев Нұрсұлтан Назарбаевқа інісі Болат Назарбаевтың қайтыс болуына байланысты көңіл айтты. Бұл туралы Президентінің баспасөз хатшысы Берік Уәли жазды.

Сондай-ақ ҚР Президентінің Болат Назарбаевтың жерлеу рәсіміне қатыспайтыны да хабарланды.