Шығыста ауа райына байланысты дауылды ескерту жарияланды
Фото: turkystan.kz
Демалыс күндері ШҚО-да күн суытып, қатты жауын-шашын болуы мүмкін.
19 қараша күні өңірде ауа райына байланысты дауылды ескерту жарияланды, деп хабарлайды Altaynews.kz тілшісі.
- 19 қарашада облыстың солтүстігінде, шығысында қатты жауын-шашын - жаңбыр, қар, тұман, көктайғақ, бұрқасын болады. Ауа температурасы 0-5 градусқа дейін төмендейді. Ал, 20 қараша күні термометр бағаны түнде 5-10 градусты, күндіз 13 градусты көрсетеді, - делінген хабарламада.
ШҚО ТЖД мамандары тұрғындарға өте мұқият болу керектігін ескертеді.
- Дауылды ескерту жарияланған кездері алыс аймақтарға бармағаныңыз абзал. Егер шұғыл түрде жығу керек болған жағдайға өзіңізбен бірге трос, күрек, қуатталған телефон мен PowerBank, жылы киім мен бұзылмайтын тамақ алуды ұмытпаңыз, - делінген хабарламада.
Жолдың жай-күйін «Дәрмен» тегін ұялы қосымшасын жүктеу арқылы біле аласыздар.
Оқи отырыңыз
