Енді Қазақстанға келген шетелдік туристер салық төлемейтін болды
Фото: tadviser.ru
Былтыр қаңтардан бастап елге келген туристер «туристік жарна» деп аталатын салық түрін төлеп келген болатын. Бұл туризм, қонақ үй бизнесімен айналысатын көптеген кәсіпкерлердің өзіндік наразылығын туғызған еді.
Бұдан былай шетелдік туристер «туристік жарна» төлемейтін болды. Туризм және спорт министрлігінің баспасөз қызметінің ақпараты бойынша, Қазақстанда "туристік жарна" алып тасталды, деп хабарлайды Altaynews.kz сайты.
-
ҚР Туризм және спорт министрінің 2023 жылғы 27 желтоқсандағы № 347 бұйрығымен шетелдіктер үшін туристік жарнаны төлеу қағидаларына өзгерістер енгізілді, оған сәйкес Қазақстанның бүкіл аумағында нөлдік мөлшерлеме қолданылады, - делінген хабарламада.
Биылдан бастап шетелдік туристер елде болғаны үшін салық төлеуден босатылады. Желтоқсанның аяғында күшіне енген бұйрық мөлшерлемені "болу құнының 0 пайызы" деңгейінде белгіледі.
Өзгерістер осы жылдың 9 қаңтарында қолданысқа енгізіледі.
Жанаргүл Мұқатай
Оқи отырыңыз
