2022 жылдың 1 қаңтарынан бастап Қазақстанда шетелдіктерінен алынатын bed tax туристік жарнасы енгізілді.

Мәдениет және спорт министрлігі қонақ үйлерге bed tax салығын салу механизмін түсіндірді, деп хабарлайды Altaynews.kz ҚазАқпарат сайтына сілтеме жасап.

Пандемиядан кейін нарықты қалпына келтіру мақсатында өткен жылы туристік жарна нөлдік мөлшерлемеде бекітілді. Ал биылдан бастап сала дамуының оң серпінін ескере отырып, жарна бойынша 5%-ға дейінгі мөлшерлеме қолданылады.

Осы норманы талқылау мақсатында елордалық қонақүйлер мен жауапты мемлекеттік органдардың, оның ішінде ҚР Мәдениет және спорт министрлігі, Қаржы министрлігінің өкілдері арасында кездесу өтті.

Айтуынша, bed tax арқылы бюджетке жыл сайын кемінде 2,5 млрд теңге түсуін болжауға болады. Жарнаны енгізу мәселесі 2019-2025 жылдарға арналған мемлекеттік бағдарламада пысықталып, 2021 жылдың 30 сәуірінде салалық заңға енгізілген. Ал туристік жарнадан түскен қаражат туризмді әрі қарай дамытуға жұмсауға болады екен. Мысалы, жол салу, туристік жерлерде дәретханалар салу жалпы туристік инфрақұрылымға, жарнамалауға және т.с.с.

Ережелерді әзірлеу кезінде пайыздық мөлшерлеме қолданылатын елдер мен қалалардың халықаралық тәжірибесі ескерілген.

Бүгінгі таңда мөлшерлемелер еліміздің 31 қаласы мен аудандарында бекітілген екен. Астана және Алматы қалаларында 5% мөлшерінде бекітілген, ал кейбір өңірлерде бекіту әлі де жалғасып жатыр.

Дастан Рыспеков қонақ үйлердің туристерді жұмысшы мигранттардан қалай ажыратуға болатынын да айтып өтті.

Ал шетелдік туристер үшін бұл жарна бір шыны кофеден қымбат болмайды екен.

Ережелермен ҚР нормативтік құқықтық актілерінің ақпараттық-құқықтық жүйесінде танысуға болады.