ШҚО-да еңбекке қабілеттілігінен айырылғандар 1,2 млрд теңге алды
фото: freepik.com
Өткен жылы ел тұрғындары мемлекеттік әлеуметтік сақтандыру қорынан 1,3 миллион адам 750,7 млрд теңге көлемінде әлеуметтік төлем алған. Соның ішінде Шығыс Қазақстан облысында 35 мың адам 23,8 млрд теңге алған, деп хабарлайды Altaynews.kz тілшісі.
2023 жылы алынған әлеуметтік төлемдердің жалпы сомасы 2022 жылғымен салыстырғанда 70 пайызға артық.
Еңбекке қабілеттілігінен айырылу жағдайына Қордан төленетін әлеуметтік төлем бюджет қаражаты есебінен мүгедектігі бойынша берілетін мемлекеттік әлеуметтік жәрдемақыға қосымша тағайындалады. Қордан тағайындалатын төлем жалпы еңбекке қабілеттілігінен айырылу дәрежесін 30%-дан 100%-ға дейін медициналық-әлеуметтік сараптама белгілеген кезеңге төленеді және еңбек қызметін жалғастыруына қарамастан жүргізіледі.