ШҚО әкімі: «Емханалардағы ұзын-сонар кезекті жою керек»
pixabay.com
Емделушілердің емханадағы әрекеттер алгоритмін білмеуі салдарынан ұзын-сонар кезек қалыптасып, ыңғайсыздықтар туындайды.
Өңір басшысы құзырлы басқармаға, қала мен аудан әкімдеріне осы мәселені шешуді тапсырды, деп хабарлайды Altainews.kz сайты.
Үкіметтің кеңейтілген отырысы нәтижесі бойынша кеңесте ШҚО әкімі Ермек Көшербаев соңғы бес жылда облыстағы медициналық мекемелерді жарақтандыруға және кадрларды даярлауға 38 миллиард теңге жұмсалғанын атап өтті. Бірақ сонда да халық емханаларда қиындықтармен бетпе-бет келіп жатыр: ұзын-сонар кезек, түрлі жағдайларда қалай әрекет ету керектігін білмеу. Өңір басшысы құзырлы басқармаға, қала мен аудан әкімдеріне осы мәселені шешуді тапсырды.
Аймақ басшысы емделушіге арналған іс-әрекет алгоритмін жасау керектігін қадап айтты. Бұл мәселеде Шығыс Қазақстан облысының денсаулық сақтау басқармасы облыстық цифрландыру және архивтер басқармасымен бірлесе жұмыс істеуі керек.