ШҚО-да криминалистикалық полигон ашылды
Фото: ШҚО ПД баспасөз қызметі
Жоба Қазақстан-Америка еркін университетімен өзара келісім жасасу аясында іске асырылды.
Қылмыс барған сайын күрделеніп, етек алып бара жатқан қазіргі заманда криминалистикалық білімді арттырудың маңыздылығын жете бағалаған жөн, деп хабарлайды Altainews.kz тілшісі.
- Оқу пологионының ашылуы университет пен ШҚО Полиция департаменті арасындағы байланысты нығайтары сөзсіз. Бірінші кезекте полигон болашақ полиция кадрларын даярлап, криминалистика саласындағы қазіргі мамандар мен студенттер арасында тәжірибе алмасуға үлкен көмек болмақ. Студенттер теориялық біліммен қоса, практикалық дайындықтан өте алады, - деп атап өтті ШҚО ПД бастығының орынбасары полиция полковнигі Медет Бердімұратов.
Полигонда дактилоскопиялық және биологиялық зерттеулерге арналған әртүрлі жабдықтар, оқиға орнын тексеруге арналған криминалистикалық чемодан, фоторобот құрастыруға арналған бағдарламалар орнатылған. Арнайы жабдықталған орын қылмыстық жағдайларды модельдеуге, тексеру жүргізуге және заттай дәлелдемелерді алу дағдыларын қолдануға мүмкіндік береді.
Оқи отырыңыз
