Абай туралы жаңа зерттеулер: 12 кітап таныстырылды
ҚР Ғылым және жоғары білім министрлігінен
Л.Н. Гумилев атындағы Еуразия ұлттық университеті Абай Құнанбаевқа арналған жаңа ғылыми еңбектерді таныстырды.
ЕҰУ жанындағы «Абай академиясы» ҒЗИ-нің зерттеу жұмыстарын белгілі ғалымдар мен абайтанушылар дайындады, деп хабарлайды Altainews.kz тілшісі ҚР Ғылым және жоғары білім министрлігі ақпаратына сүйеніп.
Авторлар қоғамның, ғылымның, әдебиеттің, тілдің өзекті мәселелерін Абайдың дүниетанымы мен мұрасы арқылы қарастырды.
- ЕҰУ жанындағы «Абай академиясы» абайтанудың көп қырлы аспектісінде жан-жақты ғылыми, сараптамалық және әлеуметтанулық зерттеулер жүргізеді. Ұлы ойшылдың бай мұрасын шетелде кеңінен насихаттау белсенді жүргізілуде. Соңғы 4 жылда ақынның рухани мұрасы мен өмірінің әр саласы бойынша 80-нен астам кітап жарық көрді. Қазақ ойшылының өмірі мен шығармашылығына қатысты ғылыми еңбектер Мемлекет басшысының тұжырымдамалық идеяларымен үйлеседі. Абайдың ойлары мен тұжырымдарының терең философиясында жалпы адамзаттық құндылықтар сабақтасқан. Олар қазіргі қоғамның дамуымен өзара байланысты қарастырылуда, - деп атап өтті ЕҰУ ректоры Ерлан Сыдықов.
Айта кету керек, «Абай академиясы» ғылыми-зерттеу институты ҚР Президенті Қасым-Жомарт Тоқаевтың тапсырмасы бойынша 2019 жылы Л.Н. Гумилев атындағы Еуразия ұлттық университеті жанынан ақынның өмірі мен шығармашылығын жүйелі түрде тереңдетіп зерттеу мақсатында ашылған болатын.
Оқи отырыңыз
Абай және Абайдың ақын-шәкірттерінің шығармашылық мұрасын оқыту мәселелері талқыландыАмантай Шәріп «Алаш» институтының директоры болып тағайындалдыҰлы Абайдың 170 жылдығына арналған халықаралық ғылыми конференция өттіДәстүрлі «Мұтылғанның тағдыры» атты білім сайысы өттіШҚО-да Абай Құнанбаевқа арналған кітап көпшілік назарына ұсынылды
