ШҚО емханаларында Аналар күні атап өтілді
Биыл елімізде алғаш рет Аналар күні атап өтілді. Мереке аясында облыс емханаларында ашық есік күндері өткізілді, деп хабарлайды Altainews.kz тілшісі.
Осы шара барысында Өскемен қалалық №1 емханасында 60-тан қыз-келіншек мамандардан денсаулық пен өмір сапасын сақтауға көмектесетін кеңестер мен ұсыныстар алды. Оларға болашақ ананың денсаулығы, бала көтеру мәселелері бойынша консультациялар өткізілді. Дәрігерлер жүктілікті жоспарлау, әйелдер органдарының аурулары, денсаулықты сақтау бойынша ұсыныстарын айтып, пайдалы ақпаратпен бөлісті.
Естеріңізге сала кетейік, Аналар күні әлемнің көптеген елінде мамырдың екінші жексенбісінде атап өтіледі. Бұл қатарда АҚШ, Канада, Германия, Италия, Бельгия, Дания, Финляндия, Эстония, Түркия, Жапония, Бразилия және Австралия сияқты мемлекеттер бар. Бірқатар елде бұл мереке басқа күні аталып өтеді.